Plantun de Prouvènço

Pèr coumpara dos planto d'encò nostre

Onobrychis argentea & Salvia aethiopis

Onobrychis argentea

Fabaceae Leguminosae

Nom en français : Sainfoin argenté.

Descripcioun :
Aquest esparset, di proun rare, trachis dins li garrigo à roumanin ounte flouris à la primo. Se recounèis à si tijo e fueio cuberto de péu blanc. Li sepalo soun tambèn forço pelouso. La planto èi marcado sus listo roujo, categourìo DD, valènt à dire que mancan d'infourmacioun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 40 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Onobrychis
Famiho : Fabaceae
Famiho classico : Leguminosae

Ordre : Fabales

Coulour de la flour : Roso
Petalo : irreguliero
Ø (o loungour) flour : 5 mm
Flourido : Printèms

Sòu : Ca
Autour basso e auto : 0 à 600 m
Aparado : Noun
Abriéu à Jun

Liò : Garrigo - Roucaio
Estànci : Mesoumediterran
Couroulougi : Estenoumediterrano-Ouèst
Ref. sc. : Onobrychis argentea Boiss., 1840

Sàuvi(-d'Etioupìo)

Salvia aethiopis

Lamiaceae Labiaceae

Nom en français : Sauge d'Éthiopie.

Descripcioun :
La sàuvi-d'Etioupìo, qu'a d'Etioupìo que lou noum (óurigino éurasiatico) sèmblo proun à la touto-bono en mai pichoto. Pamens èi mai lanouso, a mens d'óudour e flouris forço. Un cop se, li sepalo pougnon. Es uno planto que s'atrobo mens qu'à passa tèms. Coumpara emé la touto-bono que ié sèmblo un pau.

Usanço :
Mens couneigudo que lis àutri sàuvi, sis usanço poudrien pamens èstre proche. Lucho contro l'inflamacioun, li fèbre e la doulour ; èi peréu antisepti.